A lla ’mpete
cu ccarisciamu ‘llecrie senza pisu
nu sonnu te ricali e
dd’emozzioni
t’ogni jaggiu
‘ncuddhratu mentru mmoi
all’ùrtimi ssanducchi
sull’àsciucu
a lla ’mpete
.
E nu ssapimu
ci ‘u teatru mòscia
fra lanterne cantinelle e
ccraticciate
quarche ulu te cumete
perze e zate
comu litratti
t’addhri tiempi e
d’addhri ‘nfanni
.
Veni e ‘llucisci sule
le nuveje e
‘mpija maravije
susu ll’onde te mmane
intr’a muttura
e ppoi la sira
prima t’u Rusariu
Cci ‘bbulia bbegnu cu ttie
a lla ’mpete
a mmenzu ‘e stelle
quandu ‘a luna
se ‘nfàccia
ripa ripa a llu pansieri
ogne ssira
rricamata su’ llu core
Te osci
ticinnove novembre.
(19.11.2001 h. 18,38)
